கோபாலப்பட்டினத்தில் ரஹ்மானிய்யா நூருல் அய்ன் பெண்கள் மதரஸா 27வது ஆலிமா பட்டமளிப்பு விழா மற்றும் குர்ஆன் மதரஸா ஆண்டு விழா!
புதுக்கோட்டை மாவட்டம் கோபாலப்பட்டினத்தில் இயங்கி வரும் ரஹ்மானிய்யா நூருல் அய்ன் பெண்கள் மதரஸாவின் 27-வது ஆலிமா பட்டமளிப்பு விழா, முதலாம் ஆண்டு ஹாஃபிழா ஸகீரா மற்றும் காரிஆ பட்டமளிப்பு விழா மற்றும் ரஹ்மானிய்யா குர்ஆன் மதரஸா ஆண்டு விழாக்கள் நாளை பிப்ரவரி 12 முதல் கோலாகலமாகத் தொடங்கவுள்ளன.
இந்த விழாக்கள் மூன்று அமர்வுகளாகத் திட்டமிடப்பட்டுள்ளன. இதன் விரிவான விபரங்கள் வருமாறு:
முதல் அமர்வு: பிப்ரவரி 12, வியாழக்கிழமை
பிப்ரவரி 12-ம் தேதி காலை 8.00 மணியளவில் முகைதீன் ஆண்டவர் ஜூம்ஆ பள்ளிவாசல் வளாகத்தில் முதல் அமர்வு நடைபெறவுள்ளது. இதில் குர்ஆன் மதரஸா மாணவ, மாணவியர்களின் பல்வேறு நிகழ்ச்சிகள் இடம் பெறுகின்றன.
இரண்டாம் அமர்வு: பிப்ரவரி 13, வெள்ளிக்கிழமை (பட்டமளிப்பு விழா)
பிப்ரவரி 13-ம் தேதி காலை 9.00 மணியளவில் பட்டமளிப்பு விழா நடைபெறவுள்ளது. ஹாஜி SRMI. ஷேக் பரீத் அவர்கள் தலைமையில் நடைபெறும் இந்த விழாவில், மௌலானா மௌலவி H.A. அஹ்மது அப்துல் காதர் ஆலிம் மஹ்ழரி அவர்கள் சிறப்பு பேருரை ஆற்றி சனதுகளை வழங்கவுள்ளார்.
இதில் ரஹ்மானிய்யா நூருல் அய்ன் பெண்கள் மதரஸாவில் பயின்ற 12 மாணவிகளுக்கு ஆலிமா பட்டமும், 22 மாணவிகளுக்கு காரிஆ பட்டமும், மற்றும் 10 மாணவிகளுக்கு ஹாஃபிழா ஸகீரா சான்றிதழ்களும் வழங்கப்பட உள்ளன.
மூன்றாம் அமர்வு மற்றும் வினாடி வினா
வெள்ளிக்கிழமை மஃரிப் தொழுகைக்குப் பின் மூன்றாம் அமர்வு நடைபெறவுள்ளது. இதில் ஹிஃப்ழு மதரஸா மாணவர்களின் வினாடி வினா (Quiz) போட்டியும், அதனைத் தொடர்ந்து பரிசளிப்பு விழாவும் நடைபெறும். மௌலானா மௌலவி S. ஜகுபர் சாதிக் முனீரி அவர்கள் நன்றியுரை நிகழ்த்துவார்.
பெண்களுக்கான பிரத்யேக நிகழ்ச்சி: பிப்ரவரி 14
பெண்களுக்கென பிரத்யேகமாக பிப்ரவரி 14, சனிக்கிழமை காலை 8.00 மணிக்கு ரஹ்மானிய்யா நூருல் அய்ன் பெண்கள் மதரஸாவில் நிகழ்ச்சிகள் நடைபெற உள்ளன.
புதிய சேர்க்கை அறிவிப்பு
ரஹ்மானிய்யா நூருல் அய்ன் பெண்கள் மதரஸாவில் 2026-2027 கல்வி ஆண்டிற்கான ஆலிமா, காரிஆ, ஹாஃபிழா ஸகீரா மற்றும் குர்ஆன் நாழிரா ஆகிய பாடத்திட்டங்களுக்கு ரமலான் மாதம் முதல் புதிய மாணவியர் சேர்க்கை (Admission) தொடங்கும் என அறிவிக்கப்பட்டுள்ளது.
இந்தச் சிறப்புமிக்க விழாக்களில் கோபாலபட்டினம் மற்றும் சுற்றுவட்டாரத்தைச் சேர்ந்த பொதுமக்கள் திரளாகக் கலந்து கொள்ளுமாறு சுன்னத் வல்ஜமாஅத் நிர்வாகிகள் மற்றும் மதரஸா கமிட்டியாளர்கள் அழைப்பு விடுத்துள்ளனர்.
