நிறுவனங்களில் பெண்களுக்கு எதிரான பாலியல் தொல்லைகளை தடுக்க குழுக்கள் அமைக்க உத்தரவு.
நிறுவனங்களில் பெண்களுக்கு எதிரான பாலியல் தொல்லைகளை தடுக்க குழுக்கள் அமைக்க கலெக்டர் அருணா உத்தரவு.
புதுக்கோட்டை மாவட்ட கலெக்டர் அருணா வெளியிட்ட செய்திக்குறிப்பில்,
பெண்களுக்கு எதிரான பாலியல் தொல்லைகளை தடுக்கும் விதமாக 2013-ல் இயற்றப்பட்ட பாலியல் தொல்லை (தடுப்பு, தடை மற்றும் தீர்வு) சட்டத்தின் கீழ் அனைத்து நிறுவனங்களிலும் குழுக்கள் அமைக்க அறிவுறுத்தப்பட்டுள்ளது.
பாலியல் தொல்லைகள்
புதுக்கோட்டை மாவட்டத்தில் 10 அல்லது அதற்கு மேற்பட்ட பெண்கள் பணியாற்றும் அரசு, அரசு சாரா, வியாபார மற்றும் தொழில்துறை நிறுவனங்களில், இச்சட்டம் நடைமுறைப்படுத்தப்பட்டுள்ளது.
அனைத்து நிறுவனங்களிலும் பெண்களுக்கு எதிரான பாலியல் தொல்லையை தடுக்க உள்ளக புகார் குழு அமைக்க வேண்டும்.
இக்குழுவில் குறைந்தபட்சம் 4 உறுப்பினர்கள் இருக்க வேண்டும், அதில் அதிகபட்சமாக 3 பெண் உறுப்பினர்கள் வேண்டும்.
அறிக்கை மற்றும் நடவடிக்கை
புகார்களை சமர்ப்பிக்க நிறுவனங்களில் புகார் பெட்டி அமைக்கப்பட வேண்டும். புகார்கள் வந்தவுடன், உள்ளக குழு விசாரணை மேற்கொள்ள வேண்டும்.
10-க்கும் குறைவான பணியாளர்கள் அல்லது வீட்டு வேலை செய்பவர்களுக்கு, அவர்கள் நேரடியாக மாவட்ட அளவிலான உள்ளூர் புகார் குழுவில் மனு அளிக்கலாம்.
மேலும், ஆண்டு தோறும் நிறுவனங்கள், உள்ளக குழுவில் பதிவு செய்யப்பட்ட புகார்கள் மற்றும் அவற்றின் நடவடிக்கைகளை சமூக நல அலுவலகத்தில் அறிக்கையாக சமர்ப்பிக்க வேண்டும்.
இணையதளம் மற்றும் அபராதங்கள்
புகார் குழு அமைக்கப்படாமல் இருந்தாலோ, புகார்களின் அடிப்படையில் உரிய நடவடிக்கை எடுக்காத நிலையில், சம்பந்தப்பட்ட நிறுவனத்தின் உரிமம் அல்லது பதிவு ரத்து செய்யப்படும்.
தவறான நிறுவனங்கள் ரூ.50 ஆயிரம் அபராதம் செலுத்த வேண்டிய சூழல் ஏற்படும்.
பெண்களுக்கு எதிரான பாலியல் தொல்லைகளுக்கு எதிராக www.shebox.nic.in என்ற இணையதளத்தில் புகார் பதிவு செய்யலாம்.
எனவே, புதுக்கோட்டை மாவட்டத்தில் உள்ள அனைத்து நிறுவனங்களும் உடனடியாக உள்ளக புகார் குழுவை அமைக்க வேண்டும் என்று கேட்டுக் கொள்ளப்படுகிறது.
