கோபாலப்பட்டினம் GPM மக்கள் மேடை & புதுக்கோட்டை அகர்வால்ஸ் கண் மருத்துவமனை இணைந்து நடத்திய மாபெரும் இலவச கண் மருத்துவ முகாம்.
மீமிசல்,மே.27-
புதுக்கோட்டை மாவட்டம் ஆவுடையார் கோவில் தாலுகா மீமிசல் அருகே உள்ள கோபாலப்பட்டினத்தில் GPM மக்கள் மேடை மற்றும் புதுக்கோட்டை அகர்வால்ஸ் கண் மருத்துவமனை இணைந்து மாபெரும் இலவச கண் மருத்துவ முகாம் நடைபெற்றது.
கோபாலப்பட்டிணத்தில் செயல்பட்டு வரும் GPM மக்கள் மேடை அமைப்பானது ஊரின் நலன் கருதி பல்வேறு நலத்திட்டங்களை செயல்படுத்திக் கொண்டு வருகின்றது. அதில் ஒரு பகுதியாக புதுக்கோட்டையில் இயங்கி வரும் மருத்துவர் அகர்வால்ஸ் (DR. AGARWALS EYE HOSPITAL) கண் மருத்துவமனையோடு இணைந்து 26-05-24 ஞாயிற்றுக்கிழமை மீமிசல் பாப்புலர் மெட்ரிக் மேல்நிலைப் பள்ளியில் மாபெரும் இலவச கண் மருத்துவ முகாம் நடைபெற்றது.
காலை 9.00 மணி முதல் மதியம் 3.00 மணி வரை நடைபெற்ற இந்த கண் மருத்துவ முகாமில் சுமார் 200-க்கும் மேற்பட்ட பயனாளர்கள் கலந்து கொண்டு பயன் பெற்றனர்.
இம்முகாமில் கோபாலப்பட்டினம் ஜமாத் நிர்வாகிகள் மற்றும் பொதுமக்கள் அனைவரும் கலந்து கொண்டு சிறப்பித்தனர்.
