இளைஞர் எழுச்சி நாள் பேரணி

அறந்தாங்கி, அக். 17 –

ஆவுடையார்கோவில் அரசு மேல்நிலைப்பள்ளியில், டாக்டர் அப்துல் கலாம் பிறந்த நாளை இளைஞர் எழுச்சி நாளாக கொண்டாடினர்.

இளைஞர் எழுச்சி நாள் பேரணி

தலைமை ஆசிரியர் தாமரைச்செல்வன் தலைமை வகித்தார். கலாம் அவர்களின் உருவப்படத்திற்கு மாலை அணிவித்து மரியாதை செலுத்தப்பட்டது. தொடர்ந்து, ஆசிரியர் மதியழகன், அப்துல் கலாம் அவர்களின் வாழ்க்கை வரலாறுகள் மற்றும் சாதனைகள் குறித்து மாணவர்களுக்கு விழிப்புணர்வு ஏற்படுத்தினார்.

6 முதல் 9-ம் வகுப்பு வரை உள்ள மாணவர்களுக்கு ஓவியப்போட்டி நடத்தப்பட்டது. மாணவர்கள், அப்துல் கலாம் பொன்மொழிகளை ஏந்தியபடி, இளைஞர் எழுச்சி நாள் பேரணி நடைபெற்றது.

இந்த நிகழ்வில் உதவி தலைமை ஆசிரியர் ஸ்டாலின், திட்ட அலுவலர் சுப்பிரமணியன் மற்றும் பல ஆசிரியர்கள் கலந்துகொண்டனர்.